Adadin mutanen da suka rasu sakamakon gobarar kwanakin baya a wani masallaci a Kano ya karu zuwa 21
Kamfanin dillancin labaran iqna ya habarta cewa, adadin wadanda harin ya rutsa da su a masallacin kauyen Gadan na jihar Kanwi a Najeriya ya karu zuwa 21.
Rundunar ‘yan sandan ta sanar da cewa, wani matashi dan shekara 38 mai suna Shafiu Abubakr ya kai hari a masallacin a lokacin sallar asuba, inda ya kashe masu ibada tare da jikkata wasu da dama.
An ce dalilin da ya sa wannan harin shi ne rikicin dangi kan rabon gado.
An kashe mutane da dama a wannan harin, kuma an kai akasarin wadanda suka jikkata zuwa Asibitin Murtala Muhammad da ke Kano domin samun kulawa.
Bature Abdulaziz, daya daga cikin likitocin wannan asibitin ya ce: “Ya zuwa yanzu mun yi asarar mutane 21 sannan wasu ana kula da su a asibitin.”
Ya kuma godewa ’yan kasuwar Kano da suka bayar da gudunmawar agaji ga wadanda wannan hatsarin ya rutsa da su da sauran majinyatan wannan asibiti.
A lokacin da wannan lamari ya faru, mutane 32 ne suke gudanar da sallar asuba a cikin masallacin, sai Shafiu Abubakar ya kona wannan wuri mai tsarki. Ya watsa man fetur a kofofin masallacin da bangon masallacin, ya kulle kofofin bayan ya sanya galan mai cike da man fetur, daga nan ne aka ji wata babbar fashewa mai kama da bam daga masallacin.
